Cagayan de Oro – Malampuson nga nabalhin sa temporaryo nga puy-anan ang halos tanang illegal settler families (ISFs) daplin sa suba sa Isla Delta nga gihingusgan sa syudad pinaagi sa Task Group Demolition nga gipangulohan ni Atty. Jose Edgardo Uy.
Nunot niini, gipasalamatan ni Atty. Uy ang mga miyembro sa TG Demolition nga nagmalampuson ang clearing operation sa maong dapit.
Matud ni Atty. Uy nga ang pinakadako nga hagit karon nga nalimpyo na ang Isla Delta mao usab ang pagmintinar nga dili na subling puy-an sa nabalhin nga mga pamilya o kaha adunay bag-ong mopuyo sa area.
Una nang gipadayag sa TG Demolition nga kung malimpyo na ang Isla Delta, ang sunod nga trabahuon sa grupo mao na usab ang mga billboards.
Alayon niini, naglaum si Atty. Uy nga higpitan sa na-assigned nga guwardiya uban sa personahi sa kapulisan ang pagbantay ug dili pasudlan ug mga sakyanan nga nagkarga og mga materyales nga posibleng itukod og mga barong-barong.
News and photo courtesy of CIO CDO