29.8 C
Manila
Tuesday, April 16, 2024

Cebu City North District Congressman Raul Del Mar, Patay Na

- Advertisement -

Cebu City – Mitaliwan na si Kong. Raul del Mar sa amihanang distrito sa dakbayan sa Sugbo sa miaging gabii sa tambalanan sa Manila.

Gani, ang kadagkoan sa CCPC o Cebu Citizens-Press Council mipadayag og kasubo sa kamatayon sa Sugboanong magbabalaod nga giilang “Kampeyon sa Media” tungod sa iyang mga nahimong balaod para sa kaayohan sa media.

Segun sa statement sa CCPC, nagbangotan sila sa pagpanaw sa dayon ni del Mar.

Hangtod sa paghikay ning balita, ang mga kabanay ni del Mar wala pa makaluwat og official statement sa iyang kamatayon apan ang mga mensahe nga nagpadayag og simpatiya sa pamilya mikatap na sa social media.

Suma pa sa statement sa CCPC, mitaliwan ang kongresista samtang giadmit sa ospital sa Manila diin mitambong siyag virtual session sa balay-balaoranan.

Ang 79 anyos nga magbabalaod ang nagpalabang sa Republic Act 11122 nga nagdeklarar sa matag Setyembre 21 isip working holiday sa probinsiya sa Sugbo atol sa pagsaulog sa Cebu Press Freedom Day.

Si Del Mar nahimong representante sa north district sa Cebu City sulod sa siyam ka termino sukad niadtong 1987 ubos sa BOPK o Bando Osmeña Pundok Kauswagan.

Iyang gibiyaan ang iyang asawang si Melanie ug mga anak nga sila si Rachel ug Raoul.
(Jhon Tadlip/JTY, photo courtesy of Congressman RAUL DEL MAR Facebook page)

(Source: Cebu Citizens-Press Council)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -