Pagadian City – Atol sa birthday ni Mayor Sammy Co nasugdan usab pagbakuna batok COVID-19 sa syudad sa Pagadian diin prayoridad sa vaccination program mao ang mga medical front liners.
Unang adlaw sa maong programa gipahigayon sa Aisah Medical Hospital diin gipangunahan kini ni Aisah Medical Hospital Director Dr. Brando Khalif Jally, Chief of Clinic Dr. Erving Noel Merlin, Dr. Edward Nasiad, ug uban pang mga doktor og nurses sa nasangpit na ospital. Ang bakuna nga gigamit mao ang Sinovac Vaccine.
Gi-saksihan mismo ni Mayor Co ang pagbakuna sa mga medical frontliners og gikalipay kini sa amahan sa syudad nga ang gipaabot sa tanan nga paglaum, naabot na gayud.
Present usab si City Health Officer Dr. Noel Ceniza, Councilor Sam Tyra Co, Councilor Nonoy Pameron, mga representate sa nagkalain-laing ahensya sa gobyerno sama sa DOH, PIA, Civil Defense, Phil. Red Cross, DepEd, TESDA, ug local media personalities.
Nagmalampuson angh maongh aktibidadis ug gi laoman pa ang dugang nga mga bakuna nga muabot alang usab sa mga katawhan. (Diocsil Sanico, RPN DXKP Pagadian OIC)
(News & photo courtesy of Mayor Sammy Co | Asenso Pagadian)