Andam na ang National Disaster Risk Reduction and Management Council (NDRRMC) sa paghigayon og first-quarter online Nationwide Simultaneous Earthquake Drill (NSED) ning adlawa. Kini na ang ikatulong higayon nga naghigayon og online drills diin ang duha milabayng tuig 2020.
Gumikan sa nasinatiang COVID-19 pandemic, gihimong online na lamang ang earthquake drill arun dili malapas ang minimum health protocols. Gani andam na usab ilusad ang #BidaAngHanda challenge kansa ginaawhag ang mga publiko nga ikabahin ang ilang kaandam panahon sa linog.
Kahibaluan nga magsugod unyang alas-dos sa hapon ang pagpindot sa alarm diin ang mga mulantaw sa live stream ginaawhag nga maghigayon og “duck, cover and hold” sa ilang panimalay ug opisina kung madungog ang alarm. (John Rey Somido)
