Cebu City- Magamit na ang kaugalingong molecular laboratory sa MCIA o Mactan Cebu International Airport sa paghiling sa mga tawong gidudahang nagda sa coronavirus disease o COVID-19.
Mao kini gipahibawo sa kadagkoan sa tugpahanan sa milabayng adlaw.
Sumala pa sa tagdumala sa MCIA, accredited na sa DOH o Department of Health ug sa RITM o Research Institute for Tropical Medicine ang ilang molecular lab.
Tungod niini, ang MCIA na ang labing unang airport sa nasod nga nagbaton og COVID-19 testing laboratory nga adunay ‘gold standard’ real-time polymerase chain reaction o RT-PCR techniques.
Ang 400 ka metro kwadradong laboratory, sumala pa sa MCIAA, maka-process og gikan sa 1,500 ngadto sa 3 mil ka test matag adlaw kansang resulta mogawas paglabay sa 24 oras.
Matod pa sa general manager sa tugpahanan, Steve Dicdican, himoon nilang rekisito ang pagpaubos sa coronavirus test sa pagpadayon sa international travel.
Ang molecular laboratory sa MCIA ang ikaupat nga pasilidad sa Sugbo nga gihatagan og pagtugot paghimo test sa pandemic
Duha niini anaa sa compound sa DOH 7 ug VSMMC o Vicente Sotto Memorial Medical Center sa Cebu City ug ang usa sa ARC Hospital sa Lapulapu City.
Hinuon, naa pay laing upat ka pribadong ospital ug Phil Red Cross ang padayon pang nag-process sa ilang accreditation paghimo sa test sa COVID-19 sa ilang laboratoryo.