Cebu City- Gihulagway sa CCPC o Cebu Citizens Press Council nga dakong sagpa sa kagawasan sa press freedom ang pagbasura sa ubos-balay-balaoranan sa renewal sa prangkisa nga gipangayo sa ABS-CBN.
Sa usa ka press release, gipadayag sa CCPC nga ang pagpasera sa Kongreso sa media giant tungod sa gialegar nga mga kalapasan sa journalism standards walay kalainan sa pagpahamtang og death penalty inay warning o multa lang.
Alang sa CCPC, makuyaw ug makalilisang kini nga precedent sa news media.
Sumala pa sa grupo, ang lima ka complainant pulos politiko nga adunay personal nga kapungot sa network.
Nag-ingon ang CCPC nga dili unta mosangko sa isyu sa press freedom ang kontrobersiya kon wala pay hulga pagpasera sa network gikan sa labing taas nga opisyal sa nasod nga mipatugbaw sa giingong kahiwian sa kompaniya.
Midugang ang CCPC nga ang death sentence nga gipahamtang sa mga magbabalaod sa  broadcasting giant niadtong Biyernes angayng tutokan sa mga peryodista ug sa mga tigbalita sa nasod.
