Cebu City – “As of now we have the supply of oxygen, sa atong distributor naa man silay enough oxygen.”
Kini ang gibutyag sa kadagkuan sa Cebu City Medical Center (CCMC) sa estado sa ilang supply sa oxygen, human sa migawas ang mga hulagway nga makita ang pinalitay o ‘panic buying’ sa mga oxygen sa Syudad sa Sugbo.
Giangkon ni Yvonne Cania sa CCMC Administrator nga nakasinate sila sa miaging gabii nga ug nakuyawan sila kay, matod pa, murag gamay na lang kaayo ang ilang oxygen supply.
Matod ni Cania nga naglisod na sila; So, gisuta nila unsay gyuy problema.
Ilang nasayran nga ang problema diay sa supplier kay tungod sa daghan nilang gi deliveran; murag naglisod sila sa ilang delivery truck.
Sigon pa ni Cania nga gi contact nila ang GSO ug ni huwam sila ug truck ug sila mismo ang niadto sa planta sa San Fernando.
“Didto gyud mismo gikuha namo together sa among utility, sa among property head, mismo kami nagkuha didto sa oxygen,” matod ni Cania.
Ilang gibuhat, dili na sila maghulat nga mahutdan pa; so karon ni normal na, nabalik na.
Samtang ,gipasabot ni Dr. Anton Oliver Reporsar II, Medical Director sa CCMC nga naa silay gitawag nga buffer.
Gawas sa ilang daily utilization, naa silay gi buffer pa gyud nga cylinder nga oxygen para extra, sa higayon nga magkulang gyud, naay increase ang demand, naa na silay stand by daan. (Jhon Tadlip)
(News & photos courtesy of Cebu City Medical Center)