Hindi naipapasa sa dugo o blood transfusion ang coronavirus disease 2019 (COVID-19).
Ito ang naging paglilinaw ni Health Usec. Maria Rosario Vergeire matapos na muling mag positibo ni Sen. Sonny Angara sa COVID-19.
Matatandaang nag-donate kasi ng plasma si Angara para sa convalescent plasma therapy na isinasagawa ng Department of Health (DOH) para sa mga COVID-19 patients.
Sinabi ni Vergeire na dapat tandaan na ang transmission ng COVID-19 ay sa pamamagitan ng respiratory system kung saan naipapasa ang virus sa pamamagitan ng droplets ng laway at mucus.
Kaugnay nito, sinabi ni Vergeire na patuloy pa ring pinag-aaralan ang nangyayaring re-infection ng ilang COVID-19 patients na nakarekober na sa naturang sakit.