COVID-19 cases sa Brazil sumampa na sa 1.1-M

Muling nadagdagan ng nasa 24,000 panibagong kaso ng nakamamatay na virus sa Brazil nitong nakalipas na 24 oras.

Dahil diyan, pumalo na sa higit 1.1 milyon ang kabuuang kaso ng coronavirus disease 2019 (COVID-19) sa Brazil.

Higit 50,000 naman ang bilang ng mga nasawi dahil sa virus.

Sa kaparehong datos, lumabas naman na tinatayang nasa 579,000 na ang gumaling o nakarekober sa banta ng COVID-19 sa brazil.

Samantala, ang Brazil pumapangalawa na sa mga bansa sa mundo na nakapagtala ng napakaraming kaso ng nakamamatay na virus.