Nasa 3,073 ang naitalang panibagong kaso ng coronavirus disease 2019 (COVID-19) sa bansa.
Ayon sa Department of Health (DOH), ito na ang kauna-unahang pagkakataon sa loob ng nakalipas na anim na araw na muling naitala sa Pilipinas ang higit 3,000 panibagong kaso ng COVID-19.
Sinabi ng DOH, pinakamarami pa rin ang naitalang panibagong kaso ng COVID-19 sa Metro Manila na umabot na sa 1,158 na sinundan naman ng Cavite na mayroong 225; Laguna, 203; Rizal, 173; at Batangas na mayroong 169.
Sa ngayon, nasa kabuuang 307,288 ang bilang ng kaso ng COVID-19 sa Pilipinas.
Sa bilang na ito, nasa 252,665 ang mga nakarekober habang nasa 5,381 ang bilang ng mga nasawi.
Samantala, nasa 49,242 naman ang bilang ng aktibong kaso ng COVID-19 sa bansa.
JUST IN: Kaso ng COVID-19 sa bansa, nadagdagan pa ng 3,073 ngayong Lunes, Setyembre 28.
Pumalo na sa kabuuang 307,288 ang bilang ng kumpirmadong kaso ng COVID-19 sa bansa. Mayroon namang 49,242. naitalang active cases. | https://t.co/HHOy7zaafm pic.twitter.com/etRBcDX3kd
— DWIZ Newscenter (@dwiz882) September 28, 2020