Cebu City – Gihimong suyopanan sa mga construction worker ang usa ka construction site sulod sa Central Command (Central Command) Armed Forces of the Philippines sa barangay Apas, Syudad sa Sugbo.
Trese ka manuyopay nga mga construction workers ang nasikop sa operasyon sa Philippine Drug Enforcement Agency 7 (PDEA), uban sa 32nd Military Intelligence Company Philippine Army apil ang 7th Intelligence Service Unit sa CentCom, pasado alas 7 sa buntag, Sabado, Abril 10, 2021.
Gitumbok nga drug den maintainer ug nadakpan ang usa ka Angel Candillada, 44 anyos.
Nasikop nga mga drug den visitors sila si :
- Jasper Mabitado, 24 anyos
- Jaysson Candillada, 21 anyos
- Clint Mark Alferes, 32 anyos
- Jaime Zaspa, 41 anyos
- Gregorio Bonganciso, 27 anyos
- Rogelio Baculi, 27 anyos
- Pedro Respecio, 34 anyos
- Ronel Sereneo, 33 anyos
- Jester Lozada, 32 anyos
- Arnel Hermosa, 38 anyos
- Joeferson Denuyo, 27 anyos
- Abrahan Estrella, 48 anyos
Miabot ug 163 ka mga putos sa gituohang shabu ang nakuha sa mga operatiba.
Motimbang kini g 10 gramos ug dunay balor ang tanan sa ₱ 68,000.
Nakuha sab ang buy bust money, usa ka motor, upat ka cellular phone ug mga gamit sa pagsuyop sa illegal nga drugs.
Sayo ning semanaha ang PDEA 7 mi-raid ug upat ka drug den sa barangay Mambaling nga miresulta sa pagkasikop sa 19 ka mga drug pushers ug users. (Jhon Tadlip/JTY)
(News & photo courtesy of PDEA)