Human nga milugwa ang E.O. No.11-2020 sa Mayor sa Dakbayan sa Dipolog kaniadtong nakalabay nga adlaw nga gipanguluhang “Providing further guidelines on social distancing and adopting a calibrated community quarantine in the City of Dipolog and for other relevant purposes”, gipatuman na kini karong adlawa.
Susama sa ubang community quarantine guidelines sa silingan niining mga lungsod ug dakbayan sa lalawigan sa Zamboanga del Norte, ang anaa sulod niini mao ang mga mosunod:
- Pagdumili sa pagpagawas sa katawhan sulod sa dakbayan, gawas lamang sa mga health workers, opisyal sa gobyerno, nagabyahe alang paghatud ug tawhanon ug medical nga serbisyo, ug mga pribadong empleyado sulod sa dakbayan nga nagaulian sa silingan nga mga lungsod.
- Pagmando sa mga pasaheroang sakyanan nga 50% lamang sa total number of passengers ang mamahimo nilang isakay, subay na kini sa mandong social distancing.
- Public protection hours kun curfew alang sa tanan:
Minors- 6:00PM- 6:00AM;
General Public- 8:00PM- 4:00AM, gawas lamang sa nahisgutang health workers, opisyal sa gobyerno ug mga humanitarian personnel.
- Effectivity: 12:01AM, March 18, 2020
Tungod sa maong lakang sa pagpanagang nga mukatap sa dakbayan ang COVID19, dayung mituman ang katawhan niini inabagan sa mga opisyal sa barangay, DOH, PNP ug uban pang ahensyang nakig-alayon aron nga mapabiling luwas ang dakbayan, lakip na ang kinatibuk-ang lalawigan sa Zamboanga del Norte.
