Natigayon niadtong adlaw’ng Biyernes Marso 15, 2019 ang usa ka Joint Community Community Outreach Program sa Police Provincial Office ug Surigao City Police Station didto sa Brgy. Mat-I syudad nan Surigao. Ang maong kalihokan gipangunahan nila ni PPO Provincial Director PSSupt. Ronelo Jaurige, kauban usab sa Surigao City Police Station nga gipangunahan ni Psupt. Diomedes Cuadra Jr., 1st company sa Surigao Del Norte PMFC nga gipangulohan ni Force Commander Psupt. Rhandy Amaro, 2nd Company sa SDN PMFC nga gipangulohan ni PSupt. Rudy Elandag. Naa usab ang mga grupo gikan sa Police Regional Office 13 – Caraga nga gipangulohan ni PSSupt. Ruben Delos Santos, regional police community relations officer uban sa regional medical/dental team.
Ang mga serbisyo nga gilangkuban sa Community Outreach Program sama sa operation tuli, libre nga haircut, pag apod-apud ug hygiene kit, slippers, mga food packs (rice,canned goods and noddles), naa usab feeding program, pack lunch, tooth extraction, eye check-up, medical check-up with medicines ug pag apod-apud ug school supplies.
Si Barangay Captain Reynaldo Olvis nagpahayag sa iyang kinasingkasing nga pagpasalamat alang sa iyang mga katawhan nga nag-ingon nga kini ang unang higayon nga sila nahimong mga benepisyaryo sa maong programa sa kapulisan.Si PSSupt. Ronelo Jaurige nagpasalamat usab ngadto sa mga stakeholders alang na sa kalampusan sa maong Outreach Program ngadto na sa mga medical/dental team gikan sa provincial ug city health office, mga NGO ug mga negosyante sa Surigao City. Gidisenyo kini aron maabot ang mga tawo ug ipakita nga ang PNP wala lamang nag-focus sa ilang papel isip mga enforces sa balaud apan sila adunay kasingkasing sa pagpakigbahin.