Hindi umano kayang dayain o manipulahin ninuman ang automated election system (AES) na gagamitin sa 2019 elections.
Ito ang tiniyak ng Commission on Elections (COMELEC) matapos maaresto ang isang babae na lumalapit umano sa mga kandidato at sinisiguro sa mga ito ang panalo sa eleksyon sa pamamagitan ng pagmanipula sa AES.
Ayon kay COMELEC Spokesman James Jimenez, nuong pang 2010 subok na ang integridad ng AES. Kasabay nito, iginiit ni Jimenez na walang katotohanan ang ipinapangako ng naturang babae sa mga pulitiko.
Dahil dito, hinikayat ng COMELEC ang publiko na magsumbong sa kanila o sa mga otoridad sa oras na may malamang mga sindikato o indibidwal na gumagawa ng ganitong klaseng panloloko.