Surigao City – Nag bangutan kuman an pamilya Cagampang human nag hikog an ilang igsuon nga si Benjie Agcol Cagampang, 28 anyos, layaki, kasamtangan nag huya sa Purok 11, Brgy. San Juan, Surigao City ug lumad nga taga Barangay Macalaya, Placer, Surigao del Norte.
Sumaya sa giluwatang pamahayag ni Belly A. Cagampang, (maguyang sa biktima) nga nahiubos an biktima bahin sa ija trabaho isip mananahi.
Dugang pa sa pamahayag sa igsuon nga biyernes an ulahing pag kita nila ug pagka duyom posible jadto na higayona didto na nag hikog an biktima.
Jaon sa na state of decomposition an patay’ng lawas ug nadiskobrehan na kini pagka domingo nan duyom sa isa ka abandonadong bayay ni Rey Destajo.
Gumikan kay nanimaho na an patay’ng lawas sa biktima gilubong na lamang dajun ini didto sa lungsod sa Placer.
(News & photo courtesy by Ronda 21 Mark James Lisondra)