Kinumfirmar ni Sorsogon Governor Francis Escudero na nagpamate na an Commission on Audit sa gobyerno probinsyal kan Sorsogon katakod kan 10 milyones pesos na pondo sa shooting kan “I left my Heart in Sorsogon.”
“An COA nagpaparahapot dahil nagluwas sa Facebook. Sabi ko, luway… may ginastos na ba an probinsya? wara pa man.
Appropriation pa sana. Ikaduwa an COA post-audit. Pag nag gastos na an probinsya didto na niyo kwestyunon kun kwestyunable ba an kwarta, paggamit san kwarta. Sa ngunyan dae pa. Pakatapos tapos eh di sige..
“But suffice it to say for the meantime, nag appropriate kami para may show money para madagos, pero as of now maski piso wara pa ginagastos an probinsya.” segun pa kay Escudero.
Segun saiya na gikan sa 20 milyones pesos na Kasanggayahan fund an 10 milyones na inalocar para sa teleserye na pigbidahan kan esposa kaining aktress na si Heart Evangelista.
Paliwanag niya na may darang bentahe sa probinsya kun sa paggastos nin 10 milyones para sa promosyon na ma ayre nin tolo sagkod apat na bulan kun saen nationwide an exposure kumparado sa 20 milyones kan Kasanggayahan promotion na saro sagkod tolong semana provincewide an exposure.
“Other provinces have done that too, an iba ngani pelikula. Si Aurora, pinondohan niya an buong production ng pelikulang Baler… La Union did the same, Bataan did the same I forgot the title. Siquijor did the same because it’s a good way to promote the province, we are not the first. Siguro kita lang an una na nag teleserye which is better coz it will air for 3 to 4 months.” dagdag ni Escudero.
Enot nang sinabi ni Sorsogon Tourism Officer Bobby Gigantone na para sa hotel accomodation and food an pondong pigtagama kan probinsya sa teleserye basado sa napagkasunduan o MOA.
Mantang sinabi ni Escudero na may lakdang man na i-raise sa pribado an pondo para sa teleserye dahil siguradong ma benipisyo man sa promosyon an pribadong sektor.
“We dont know yet how much because at the end of the day tibaad dae ngani gumastos na arug kaan kadakula, balanse lang if ever. So ginibo ini para may show money lang siya, para preparado kami. Ta sa ibang lugar baga, may downpayment pa may bayad, didi laen man kaipuhan.”
(Source: Sorsogon News)