Cebu City – Miluwat na ug kamanduan si Police Major General Albert Ignatius Ferro, director sa Criminal Investigation and Detection Group (CIDG), ngadto sa CIDG-7 alang sa pagpahigayon ug parallel investigation labot sa pagpusil-patay sa Sugbuanon nga radio blocktimer, Reynante “ Rey” Cortes, Huwebes, Hulyo 22, 2021.
Gibutyag ni Police Colonel Ireneo Dalogdog, regional chief sa CIDG-7 nga nakig coordinate na sila sa Station Commander ug investigator sa Mambaling Police Station alang sa ilang imbestigasyon.
Mipadala na sab sila ug mga imbestigador nga mo-abag sa station 11.
Matod ni Dalogdog nga duna nay na recover nga security cameras, pero ila pang i-establish ang posibling motibo.
Ganina nag request na sila aron maka kuha o extract ug data sa CCTV.
Giangkon ni Dalogdog nga sa pagka karon dili pa sila maka sulti sa motibo hangtud nga dili pa nila mapalawman ang imbestigasyon.
Una nilang i consider ang CCTV nga dool sa establisemento diin si Rey nagtrabaho.
Sa pagka karon, wala pa sab silay testigo nga makasulti nga nakakita sa insedente ug ila pa sab nga imbestigahan ang tanang anggulo.
Ila pang palawman ang anggulo, unsay posibling nahitabo.
Sigon pa sa director nga kung ma identify na nila, matod pa pwede na nilang makita ang posibling lead.
Lakip nga pakisayran nila ang kuyug o escort ni Rey Cortes.
Ila pong pakisayran ang pamilya kung kinsay kontra ug aduna bay impormasyon nga ilang masayran sa wala pa mamatay ang biktima basin ug adunay silay ma relay nga impormasyon.
Si Cortes sa buhi pa nag handle sa programa nga Engkwentro sa DYRB.
“Kawsa sa katawhan ipatigbabaw, bisan sa hinigiban pasipad-an,” battle cry ni Rey Cortes.
(Jhon Tadlip)
(News & photo courtesy of CIDG-7)