Hingpit nang natibawas ang bag-ong gitukod nga Bio Safety Level 2 Laboratory nga nahimutang abay sa Center for Emerging and Re-emerging Infectious Diseases (CEREID) diha sa barangay San Simon ning syudad.
Ang balor ₱ 1.4 milyones nga laboratory gigastohan sa administrasyon ni Mayor Oscar Moreno sa tuyo nga makaangkon og kaugalingong laboratory ang CEREID, ug dili na kinahanglan nga dad-on pa sa Northern Mindanao Medical Center kon NMMC ang mga specimen sa pasyente.
Hinoon, magkinahanglan pa og License to Operate gikan sa Department of Health ayha pa maka-operate sa hingpit ang maong level 2 laboratory.
Kahinumduman nga giagpas pagtrabaho ang maong laboratory human gi-turnover sa LGU-CDO ang CEREID ngadto sa NMMC niadtong bulan sa Abril ning tuig isip usa ka Temporary Treatment and Monitoring Facility kon TTMF alang sa mga mild to moderate Covid-19 cases. (City Information Office)