Christmas Festivals sa Scotland kinansela bilang pag-iingat sa COVID-19

Pormal nang kinansela ang Christmas Festivals sa Edinburgh sa Scotland, dahil sa banta ng COVID-19.

Ito ay kasunod ng payo ng mga health experts at ilang mambabatas sa bansa na kanselahin na ang taunang pista ngayong taon.

Pero paglilinaw naman ni Adam Mcvey, leader ng City of Edinburgh Council, hindi naman tuluyang kinakansela ang kapaskuhan at tanging pagtitipon lamang at mga negosyo.

Matatandaan namang una nang kinansela sa bansa ang Hogmanay Street Party noong Hulyo dahil din sa banta ng COVID-19 pandemic.