KAPIN tres sientos (324) ka mga kabataan ang misalmot sa Children’s Christmas Party sa Kapitolyo Probinsyal.
Ubay-ubay nga mga kalihokan ang gipahigayon sama sa pag perform sa mascot nga Bumble Bee ug Beauty and the Beast, Magic Show, Balloon Twister, padula ug pagpanghatag sa mga pagkaon.
Misalmot sa kalihokan si Governor Unabia, BM Rey Buhisan, PHO Consultant Rommel Maslog ug mga dinapit na nga bisita.
Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM Development Agenda sa Gobernador sa letrang A Aggressive Program for Youth Welfare and Development.