Nakabsan sa kinabuhi ang usa ka kanhi pulis human gipusil sa wala pa mailhing suspetsado sa Barangay Tubod, lungsod sa Badian, pasado alas-8:00 sa gabii, Domingo, Disyembre 22, 2024.
Ang biktima mao si Fortunato Caingles Purgatorio, 54 anyos, minyo, ug residente sa maong barangay.
Base sa imbestigasyon, gikan si Purgatorio sa pag-grocery sa usa ka tindahan sa Moalboal ug misulod sa ilang panimalay. Diha sa terrace, samtang naglingkod, kalit nga gipusil siya sa wala pa matino nga suspetsado nga misibat dayon human sa krimin.
Gidali pagdala ang biktima sa Badian District Hospital ug gibalhin sa usa ka pribadong tambalanan sa Sugbo, apan namatay kini alas-8 sa buntag, Disyembre 23, 2024.
Nakarekober ang kapulisan og pito ka kabhang sa bala nga gikan sa kalibre .9mm nga armas sa crime scene. Padayon ang imbestigasyon aron masuta ang motibo ug mahibal-an ang responsable sa krimen.
Si Purgatorio, usa ka retiradong pulis, kaniadto nadestino sa Badian Municipal Police Station ug nahimong lider sa Alert Team. Siya niretiro sa serbisyo niadtong Disyembre 2019.
Ang insidente nagdala og kabalaka sa mga residente ug pamilya sa biktima. Ang kapulisan nag-awhag sa mga testigo nga motabang sa imbestigasyon.
📸 CTTO
I via Renante Socia Lada