Gihangop sa mga opisyalis sa dakbayan sa Mandaue ang tinguha sa World Surgical Foundation Philippines nga mohimo sa ilang Surgical Mission sa siyudad.
Kagahapong adlawa, Hunyo 1, 2023, nakigtagbo sa buhatan ni Mandaue City Mayor Jonas Cortes ang mga doktor nga mohimo sa ilang Surgical Mission.
Nagpasalamat si Mandaue City Health Officer Dr. Dominga Obenza ang plano nga Free Surgical Mission sa dakbayan sa Mandaue.
Gisupurtahan usab ni Mayor Jonas Cortes ang maong programa sa World Surgical Foundation Philippines.
Ang schedule sa maong Surgical Mission mahibaw-an ra unya para makapangandam ang mga pasyenti.
Ning maong programa daghan unya ang matabangan labi na kadtong adunay balati-an nga walay igong budget para sa ilang operasyon. (Renante Lada, photo courtesy of Mandaue City PIO)