Un “watch-listed” suspechao el ya aresta el pulisiya na un operacion contra droga ilegal aqui na ciudad de Zamboanga, un alto opisyal del pulis ya anuncia del Biyernes.
Si Police Colonel Alexander Lorenzo, el Zamboanga City Police Office (ZCPO) director, ya nombra con el arestao suspechao como si Jezu Roy Ramos, 24 años el edad.
Si Lorenzo ya habla cay con Ramos ya aresta na un operacion contra droga ilegal mga alas 11:37 del Huwebes denoche na Purok 2, Barangay Talon-Talon, este ciudad.
Ya puede recubri na posesion de Ramos 0.9 gramos de suspechao shabu con el valor de P6,120, un caja de cigarillo, y P200 markao sen.
Si Ramos detenido ahora na ZCPO Station 10 en preparacion para el plantada del formal asunto encontra con ele na jusdado. (B. Garcia)
