Nadakpan sa mga otoridad ang usa ka 20-anyos nga lalaki nga giila sa alyas “Sib” tungod sa kaso nga may kalabotan sa online scam. Ang operasyon gihimo sa Cebu Provincial Cyber Response Team sa kapulisan niadtong Septiyembre 23, 2025, alas 6:00 sa gabii.
Si “Sib” giisyuhan og warrant of arrest ug giatubang sa reklamo ubos sa Article 315 (Swindling/Estafa) sa Revised Penal Code ug Section 6 sa Republic Act 10175 o Cybercrime Prevention Act of 2012. Ang piyansa alang sa iyang kaso gitakda sa ₱36,000.
Gidayeg ni Brigadier General Bernard R. Yang, Acting Director sa PNP Anti-Cybercrime Group, ang kusog nga paningkamot sa iyang mga tawo sa pagdakop sa mga suspek nga naggamit sa internet aron mangilad sa uban.
Padayon ang panawagan sa PNP nga magmatngon ang publiko batok sa mga online scam ug ipahibalo dayon sa mga otoridad kon adunay mga kahina-hinalang kalihukan sa internet.
Source: ACG
I via Renante Socia Lada