Mipahigayon og Food Pack Distribution ang mga personahe sa Katipunan Municipal Police Station, katimbang niini ang mga personahe sa Department of Social Welfare and Development (DSWD),didto sa Barangay Seres ug sa Barangay Seroan, nga parehong sakop sa nasangpit nga Lungsod, ning Probinsiya sa Zamboanga Del Norte, niadtong Setyembre 23, 2025.
Nasayran nga ang naasoy nga kalihokan, bahin sa programa nga Police Visibility sa Katipunan Municipal Police Station, diin tumong niini nga ang mga kabarangayan nga anaa sa hilit nga bahin sa nahisgutang Lungsod, maanad sa presensiya sa mga kapulisan, nga maoy maghatag kanila og proteksiyon, alang sa Kahapsay ug Kalinaw sa matag Barangay nga sakop sa Lungsod sa Katipunan, aron ugaling adunay mga setwasyon nga ipadangat sa ilang buhatan, dili unya sila magduha-duha sa pagdangop niini, tungod sa pagbaton nila og pagsalig sa kapulisan, ug dili ngadto sa mga walhong grupo.
Ang maong mga Food Pack bahin usab sa programa sa Lgu Katipunan, pinaagi sa pagpaningkamot ni Mayor Wong, sa pakigtimbayayong usab niini ngadto sa buhatan sa DSWD, maong nahimong nagmalampuson ang pagtunol sa mga mga Food Pack, ngadto sa mga Residente sa nahisgutang mga Barangay.
Tungod sa maong Programa, dako ang kalipay nga gibati sa mga katawhan nga nakadawat niini, ug sila nagpasalamat sa pagdumala sa ilang Mayor, maingon man sa buhatan sa DSWD, lakip na usab sa mga personahe sa kapulisan sa Lungsod sa Katipunan, sa pagpanguna ni OIC- Pcpt Rommel John B Sabas.(Julius Esmade)