Nasikop na sa kapulisan ang usa ka Most Wanted Person nga kapin 30 ka tuig nang nagtago human sa kaso sa pang-rape ug pagpangawat niadtong 1992. Ang operasyon gihimo niadtong Setyembre 24, 2025 sa Purok 4, Barangay San Francisco, Ubay, Bohol, sumala sa Police Regional Office 7 (PRO-7).
Ang suspetsado, 60 anyos ug lumad nga taga San Francisco, Ubay, dugay na naglikay sa kapulisan pinaagi sa pirming paglupad-lupad sa lain-laing lugar. Siya giingong gikasohan sa Criminal Case No. 7161 ug adunay ₱50,000 nga ganti alang sa iyang pagkadakop.
Gidumala sa Tracker Team sa Provincial Intelligence Unit sa Bohol Police Provincial Office (BPPO) ang operasyon uban ang Ubay Municipal Police Station, Regional Intelligence Division 7, RIU-PIT Bohol ug CIDT-Bohol. Ang pagsikop gihimo pinasikad sa Alias Warrant of Arrest nga gi-isyu ni Hon. Achellis L. Melicor, Presiding Judge sa RTC Branch 4 sa Tagbilaran City.
Nagpadayag si PRO-7 Director PBGen Redrico A. Maranan sa iyang pagpasalamat sa kusog ug pagtinabangay sa mga operating units.
“This sends a clear message to all fugitives that they cannot escape the reach of justice indefinitely. We remain steadfast in our commitment to uphold peace and order and ensure the safety of every citizen in the region,” segon ni PBGen Maranan.
Source: PRO7- PIO
I via Renante Socia Lada