Nasakmit sa mga pulis sa Bogo City ang usa ka walay lisensiyang .45 kalibre nga armas ug lima ka bala atol sa operasyon sa Barangay Sto. Niño, Bogo City, sa nakalabay nga mga gabii.
Sa pag-abot sa mga pulis, nakamatikod ang suspek ug midagan dayon. Wala siya madakpi, apan gipadayon sa mga pulis ang ilang operasyon base sa search warrant nga gi-isyu sa korte.
Apil sa mga nasakmit ang usa ka .45 kalibre nga pistola, usa ka magazine, lima ka bala, ug usa ka belt bag. Gidala kini sa Bogo City Police Station alang sa dokumentasyon ug ebidensya. Padayon usab ang pagpangita sa suspek.
Matod ni PCOL Abubakar Udang Mangelen Jr., magpadayon ang Cebu Police Provincial Office sa kampanya batok sa mga ilegal nga armas aron mapadayon ang kalinaw ug kaluwasan sa mga komunidad. Giawhag usab ang publiko nga motaho sa mga tawo nga ilegal nga nagkupot og armas.
I via Renante Socia Lada