Nagpagawas og Red ug Yellow Alert ang Visayas Grid karong Hulyo 9 tungod sa kakulang sa suplay sa kuryente ug taas nga panginahanglan sa mga konsumidor.
Ang Red Alert ipatuman gikan sa 5:00 sa hapon hangtod 7:00 sa gabii. Samtang ang Yellow Alert ipatuman gikan sa 3:00 sa hapon hangtod 5:00 sa hapon ug 7:00 sa gabii hangtod 10:00 sa gabii.
Sumala sa advisory, ang available capacity sa Visayas Grid naa sa 2,561 megawatts (MW), samtang ang peak demand miabot sa 2,568MW, nga mas taas kaysa sa anaa nga suplay. Dugang pa, daghang planta sa kuryente ang wala nag-operate o limitado ang kapasidad, hinungdan nga dul-an sa 959.3MW ang wala magamit sa grid.
Gipasabot sa National Grid Corporation of the Philippines nga ang Red Alert tungod sa wala pagdagan sa pipila ka dagkong coal power plants, lakip ang TVI 1 ug TVI 2, ang bag-ong pagkapakyas sa PCPC nga adunay 135MW nga kapasidad, ug ang taas nga panginahanglan sa kuryente.
Ang Red Alert nagpasabot nga kulang ang suplay sa kuryente aron matubag ang panginahanglan sa mga konsumidor, samtang ang Yellow Alert nagpasabot nga nipis ang reserbang suplay sa grid.
I via Renante Socia Lada