Usa ka patayng lawas sa wala pa mailhing hamtong nga lalaki ang napalgang nag lutaw -lutaw sa kadagatan dapit sa Tongo, Marigondon sayo sa buntag sa Hulyo 7, 2026.
Sumala sa report, nakit-an kini nga nag lutaw nga gituhuang naanod kini sa kmsulog sa dagat.
Ang mga personnel sa City Environment and Natural Resources Office-Coastal Resource Management (CENRO-CRM), Taga-Dagat Search and Rescue, ug sa Philippine Coast Guard COP Marigondon, maoy ni respondi sa maing patay nga lawas.
Gidala ang lawas alang sa hustong proseso samtang nagpadayon ang imbestigasyon sa mga awtoridad aron mailhan ang biktima ug mahibal-an ang hinungdan sa iyang kamatayon.
Gihangyo usab sa Lapu-Lapu City Police Station 4 ang publiko nga kon adunay nakaila sa maong lalaki o adunay kabanay nga nawad-an o missing, mamahimo kining makig-alayon sa ilang buhatan.
I via Renante Socia Lada