Niadtong Enero 20, 2026 alas 5:00 sa hapon, gipahibalo nga naka-Yellow Alert ang Visayas power grid gikan alas 5:00 PM hangtod alas 7:00 PM.
Sa maong oras, ang magamit nga kuryente sa Visayas kay 2,403 megawatts (MW), samtang ang pinakataas nga panginahanglan (peak demand) miabot og 2,284 MW. Bisan duol ra ang kalainan, dili pa igo ang reserba kung adunay kalit nga problema sa suplay sa kuryente.
Sumala sa report, 10 ka power plant ang naapektuhan og forced outage niining Enero, samtang 21 ka planta ang nagdagan lang sa limitado nga kapasidad. Tungod niini, 681.1 MW nga kuryente ang dili magamit sa Visayas grid. Lakip sa hinungdan sa Yellow Alert ang kalit nga pag-undang sa operasyon sa TVI Unit 1 (169MW) ug PEDC Unit 2 (83.7MW).
Gipahibalo usab nga normal ang kahimtangan sa Luzon ug Mindanao grids. Ang Yellow Alert nagpasabot nga kulang ang reserbang kuryente aron masiguro ang suplay kon adunay kalit nga aberya, apan wala pa kini nagpasabot og brownout.
Source: NGCP
I via Renante Socia Lada