Nagpahibalo ang National Grid Corporation of the Philippines (NGCP) nga ang Visayas Grid ubos sa Yellow Alert sugod alas 5:00 sa hapon hangtod alas 9:00 sa gabii karong Hunyo 24, 2026. Kini tungod kay nihit na gyud ang suplay sa kuryente sa rehiyon.
Sa pinakabag-ong update, ang available nga kapasidad sa kuryente sa Visayas anaa sa 2,542 megawatts (MW) samtang ang peak demand anaa sa 2,362 MW. Bisan pa og mas taas gamay ang kapasidad, daghang power plants ang wala nag-operate tungod sa forced outage ug pagdagan sa ubos nga kapasidad (derated).
Sumala sa NGCP, adunay 8 ka planta nga bag-o lang na-outage, ug lain pang mga planta nga dugay na nga wala nag-operate, uban gikan pa niadtong 2021 hangtod 2025. Sa kinatibuk-an, hapit 992.1 MW ang dili magamit sa grid karon. Apil usab sa hinungdan sa alerto ang pagkahugno sa dagkong coal plants sa Visayas ug ang taas nga forecast sa demand sa kuryente.
Giingon sa NGCP nga ang Yellow Alert nagpasabot nga ang supply margin kulang na para sa contingency kung adunay mo-undang nga planta o kalit nga pagtaas sa demand, busa gi-awhag ang publiko sa pagdahinot sa kuryente ilabi na sa peak hours.
I via Renante Socia Lada