Opisial a linuktan ti Gobierno Siudad ti Batac ti dua nga aldaw a SangkaBATACan Expo, kas paset ti 19th Charter Day Celebration. Itampok ti expo dagiti lokal a produkto, crafts, taraon, ken kultura ti Batac babaen kadagiti product exhibits, tradisional a demostrasion ti panagsagana iti taraon, ti Kulinarya Challenge, ken ti Kape Kultura Fusion. Naaddaan met dagiti bisita iti gundaway a nangpadas a mismo iti tradisional a pannakaisagana dagiti naimas a taraon ti Batac kas iti dudol, lubi-lubi, palitaw, miki, ken empanada. Nakikadua ni Gobernador Cecilia Araneta Marcos iti nasao nga aktibidad ket inyebkasna ti panagyamanna kadagiti exhibitors, artisan ken amin a nakipaset. By: Niña Tabilos