Ang NGCP Visayas ipailawom na usab sa Yellow Alert karong Agosto 3, 2026, gikan sa alas 5:00 sa hapon hangtod alas 8:00 sa gabii tungod sa nipis nga reserba sa kuryente.
Ang anaa nga suplay sa kuryente mao ang 2,478 megawatts (MW), samtang ang gilauman nga pinakataas nga konsumo o peak demand moabot sa 2,327MW.
Sumala sa NGCP, ang Yellow Alert tungod sa wala pag-andar sa dagkong coal power plants nga TVI 1, TVI 2, KSPC 1, ug CEDC 1, lakip na ang emergency shutdown sa TPC Coal niadtong Agosto 2. Dugang pa, 16 ka planta ang nag-operate ubos sa normal nga kapasidad, hinungdan nga 1,055.8MW ang dili magamit sa grid.
Ang Yellow Alert wala pa nagpasabot og brownout, apan nagpasidaan kini nga nipis ang reserbang suplay sa kuryente ug posible nga maapektuhan ang serbisyo kung adunay kalit nga problema sa mga planta o transmission system.
I via Renante Socia Lada