Nadakpan sa kapulisan ang usa ka lalaki nga giila lang sa alyas “Titing” human masakpan nga naghimog ilegal nga pusil sa kabukiran sa Barangay Manlayag, Danao City, Cebu niadtong Agosto 1, 2026. Nahitabo ang operasyon human adunay responsable nga lumulupyo nga mitaho sa kapulisan.
Sa pag-abot sa mga pulis gikan sa Danao City Police Station, ilang nasakpan ang suspek nga naghimog armas sulod sa usa ka payag. Wala usab kini makapakita og legal nga permiso sa paghimo og pusil.
Narekober sa operasyon ang usa ka KG-9 submachine gun, mga bala, magasin sa pusil, lain-laing piyesa sa armas, ug mga gamit nga gigamit sa paghimo og pusil. Gidala ang suspek sa estasyon sa kapulisan ug giandam na ang kasong paglapas sa Republic Act 10591 o Comprehensive Firearms and Ammunition Regulation Act.
Matod ni PRO7 Acting Regional Director PBGen. Arnold E. Abad, dako ang natabang sa maong operasyon tungod sa kooperasyon sa komunidad. Gi-awhag usab niya ang publiko nga magpadayon sa pagreport sa mga kadudahang kalihokan aron mapalig-on ang kalinaw ug kahapsay sa komunidad.
I via Renante Socia Lada