Patay ang usa ka lalaki samtang ang inahan niini naangol human sa gubot nga nahitabo tali sa mga paryente didto sa Sitio Mohon, Barangay Bonbon, alas 2:00 sa kadlawon, Agosto 31, 2025.
Ang biktima giila nga si Jonathan Yanong, 52 anyos, samtang ang inahan nga si Tita, 77 anyos, nagkalisud karon tungod sa samad.
Ang mga giingong suspek mao si Edgardo Yanong, 69 anyos, ug ang iyang umagad nga si “Jong-jong,” 37 anyos, nga pulos molopyo sa maong lugar.
Sa imbestigasyon sa kapulisan, nasayran nga nagsugod ang gubot sa panaglalis sa mag-uyoan nga sila Jonathan ug Edgardo. Misulay og ulang si Tita aron buwagon ang duha, apan gisumbag hinoon kini sa iyang son-in-law nga si Edgardo.
Samtang nagpadayon ang panag-away, miabot si Jong-jong ug nakiapil sa gubot hangtod nga gidunggab niini si Jonathan sa liog nga hinungdan sa iyang pagkamatay.
Dali nga nadakpan si Edgardo sa kapulisan apan si Jong-jong, nga giingong responsable sa pagdunggab, padayon pang gipangita.
Nagpadayon ang imbestigasyon sa Aloguinsan Police aron masuta ang tinuod nga hinungdan ug kahimtang sa panag-away.
I via Renante Socia Lada