Nakabsan gyud sa kinabuhi ang usa ka construction worker human gidunggab sa iyang kauban tungod sa tagay.
Hinuon paglabay sa pipila ka oras nitahan sa barangay ang mamumuno dayon turn-over niini ngadto sa kapulisan.
Kagahapon sa buntag, Agusto 24, 2023, napalgang patay kini, didto sa bunkhouse sa Sitio Tagaytay, Barangay Adlaon, bukirang barangay sa dakbayan sa Sugbo.
Ang biktima giila nga mao si Benjamin Kangke, 56 anyos ang panuigon, taga lungsod sa Balamban, probinsya sa Sugbo.
Naila usab ang suspetsado nga mao si Joseph Lauriat Udtuhan, 42 anyos, residenti sa barangay Lusaran siyudad sa Sugbo.
Sa inbestigasyon nga gihimo sa Adlaon Police Community Precinct nasayran nga anang gabii ang duha puros nag inum sa ilang gipuy-an nga bunkhouse.
Apan sa pagkahubog na nila nibalibad ang suspetsado sa dihang tagayan pa unta kini sa biktima.
Nasuko ang biktima hinungdan nga nikuha kini og kutsilyo, ni depensa usab si Udtuhan og ni kuha ug tubo na maoy gibunal sa ulo ni Kangke dayon ilog sa kutsilyo na maoy iyang gigamit sa pagdunggab patay.
Sa pagkakaron padayong natanggongbang sudpetsado ug nihimo pa sila og dugang inbestigasyon may labot sa maong krimin. (Renante Lada, photo credits to the owner)
