Cagayan de Oro – UBAY-UBAY nga pasidungog ang nadawat sa Kagay-anon Youth Network Alliance (KaYa NA), Agosto 23, atol sa National Youth Leaders’ Summit Awards Night sa Quest Plus Conference Center, Clark, Pampanga.
Mismo si Youth Development Officer Zaira Dehing ug AJ Obenza, kinsa representante sa Oro Youth Development Office ug Out-of-School Youth Development Alliance (OSYDA), ang midawat sa mga award, uban ni USAID Opportunity 2.0 staff Christian Val Daquipil ug Kotie Bax ug lain pang 16 ka delegates gikan sa KaYa NA.
Ang mga pasidungog gilangkoban sa Best in Resource Mobilization, 3rd Most Innovative Youth Volunteering Activity (YVA) – Youth Advocates Project, YVA Reach Award (Annual Target), YVA Reach Award (1K Special Citation), Innovative Project Honorable Mention – Angat Oportunidad: Lakbay para sa OSY, Innovative Project Honorable Mention – Project MARKA ug Innovative Project Honorable Mention – Share Your Blessings Project.
Ang maong pasidungog naggikan sa United States Agency for International Development (USAID) Opportunity 2.0 program Second-Chance for Opportunities for Out-of-School Youth.
Ang maong summit ang pinakaunang National Youth Summit nga gipahigayon sa maong lugar diin gisalmotan sa 15 ka siyudad.
Ang KaYa NA usa ka special advocacy-based organizations nga nakarehistro sa Oro Youth Development Office ug gisuportahan ni Mayor Klarex Uy, kinsa gipasidunggan sa USAID isip ‘Champion of Youth’.
News and photo courtesy of CIO