Gipadayag sa kapulisan nga tulo ka dugang suspek ang gipasakaan og kasong kriminal nga may kalabotan sa nagpadayong imbestigasyon sa scam hub nga nahimutang sa IT Park, Cebu City.
Gisakop sa mga kaso ang paglapas sa Section 11 (Investment Fraud) sa Republic Act 11765 o Financial Products and Services Consumer Protection Act, nga may kalambigitan sa Section 6 sa Republic Act 10175 o Cybercrime Prevention Act of 2012.
Niadtong Hulyo 18, 2025, ang mga personahe sa Regional Anti-Cybercrime Unit 7 (RACU 7) nga gipangulohan ni PLTCOL Jumark Q. Caña, mipasa sa kaso batok sa mga suspek nga giila lamang sa ilang mga alyas nga “Remuel,” “Edean,” ug “Raven” sa Office of the City Prosecutor sa Guadalupe, Cebu City pinaagi sa regular filing.
Kini nga kalamboan misunod sa sayong pag-ila sa upat pa ka suspek nga konektado sa parehas nga investment scam. Ang kaso nagsugod sa Warrant Subpoena alang sa electronic documents nga gipagula ni Hon. James Stewart Ramon E. Himalaloan, Presiding Judge sa RTC Branch 7, Cebu City.
Matod ni Police Brigadier General Redrico A. Maranan, Regional Director sa PRO7, padayon ang ilang paningkamot sa pagsubay sa tibook sakop sa operasyon.
“The investigation is still ongoing, and we expect more developments in the coming days. We are determined to track down every individual involved in this scheme to ensure justice for all victims and to safeguard the public from future exploitation,” segon ni PBGen. Maranan.
Ang kaso karon nakadokumento na ug nagpaabot na sa resolusyon sa Office of the Prosecutor.
Source: PRO7
I via Renante Socia Lada
#rpndykccebu
#675hzamband
#tandemexpress