Nadakpan na human sa dugay nga pagpangita ang usa sa labing gipangita nga kriminal sa Bogo City atol sa usa ka hapsay ug han-ay nga operasyon nga gihimo sa Barangay Dakit niadtong Huwebes sa hapon. Ang suspek, nga 30 anyos ug giila nga Top 4 Most Wanted Person sa Bogo, nasikop sa Tracker Team sa Bogo City Police Station didto sa Purok Castro, Barangay Dakit.
Gisikop ang suspek pinaagi sa duha ka warrant of arrest alang sa paglapas sa Section 28, Article V sa Republic Act 10591 o ang balaod batok sa iligal nga pagpanag-iya og armas. Ang warrant gipagula sa RTC Branch 81 niining tuiga, uban sa rekomendadong piyansa nga ₱120,000 kada kaso.
Ang kalampusan sa operasyon tungod sa paggamit sa E-Warrant System sa Philippine National Police (PNP), nga kabahin sa modernisasyon ug digital nga reporma nga gilusad ubos sa liderato ni PGEN NICOLAS D TORRE III. Ang sistema nagtugot sa real-time nga pagpangita ug pagdakop sa mga kriminal nga may mga kasong gipangita sa korte.
Ang suspek karon anaay kustodiya sa kapulisan ug hulat na lang sa pormal nga pag-turn over ngadto sa korte nga mipagula sa warrant. Sumala ni PCOL CHRISTOPHER M BERMUDEZ, Acting Provincial Director sa Cebu Police Provincial Office (CPPO), dakong kadaugan kini sa kampanya sa kapulisan batok sa mga kriminal.
Nagpahiuyon kini sa direksyon sa liderato ni PBGEN REDRICO A MARANAN, Regional Director sa PRO7, nga nag-awhag sa imahe sa “Makabagong Pulis sa Makabagong Panahon: Respetado ang Mamamayan, Disiplinado ang Kapulisan.”
Source: CPPO
I via Renante Socia Lada
#rpndykccebu
#675hzamband
#tandemexpress