Nadakpan sa mga pulis sa Inayawan Police Station 7 ang usa ka akusado nga nalista isip Top 7 Provincial Most Wanted Person atol sa pagpatuman sa warrant of arrest kagahapon Hunyo 23, 2026.
Ang operasyon gipangulohan ni PCAPT Troy John A. Lalamunan, Officer-in-Charge sa Police Station 7. Ang suspetsado gidakop pinaagi sa warrant of arrest nga gi-isyu sa Regional Trial Court Branch 15 sa Cebu City tungod sa paglapas sa Section 11, Article II sa R.A. 9165 o Comprehensive Dangerous Drugs Act.
Sa pagkakaron, ang akusado temporaryong gipabilin sa Cebu City Jail Annex tungod usab sa ubang kaso nga iyang giatubang.
Matod sa Cebu City Police Office, ang maong pagdakop kabahin sa ilang padayon nga kampanya batok sa mga wanted person aron mapalig-on ang kalinaw, kahapsay, ug kaluwasan sa komunidad.
I via Renante Socia Lada