Anaa sa prisohan ang usa ka 50 anyos nga lalaki nga giilang Top 6 Most Wanted Person sa Sugbo, human kini madakpi sa operasyon sa Guadalupe Police Station 9 niadtong Mayo 13, 2025, sa Sitio Lupa, Brgy. Sapangdaku, ning dakbayan sa Sugbo.
Ang operasyon gipangulohan ni PMAJ Miles B. Damoslog, hepe sa Guadalupe Pulis, ug gibase kini sa Warrant of Arrest nga gi-isyu sa Regional Trial Court (RTC) Branch 57, Cebu City niadtong Abril 11, 2025.
Giatubang karon sa akusado ang kaso nga kalapasan sa Section 11, Article 2 sa R.A. 9165 o ang Comprehensive Dangerous Drugs Act of 2002, nga may kalabotan sa paghupot og ginadiling drogas.
Ang suspek gipahibalo sa iyang mga legal nga katungod ug kasamtangang gibantayan sa kustodiya sa Guadalupe Police samtang naghulat sa dugang legal nga proseso.
PCOL Enrico E. Figueroa, Acting City Director sa Cebu City Police Office (CCPO), mipasigarbo sa maong operasyon ug midayeg sa dedikasyon sa Guadalupe Police Station 9. Gipadayon niya ang mando sa tanang kapulisan sa dakbayan nga lig-onon pa ang kampanya batok sa kriminalidad ug pagdakop sa mga wanted persons.
Source: CCPO
I via Renante Socia Lada