Nasikop sa kapulisan sa Guadalupe Police Station 9 sa Cebu City ang usa ka lalaki nga apil sa Top 5 Most Wanted Persons sa rehiyonal nga lebel tungod sa kasong rape pinaagi sa sexual assault.
Gipahigayon sa Tracker Team sa Police Station 9 ang operasyon alas 12:04 sa udto niadtong Mayo 20, 2026 didto sa V. Rama Avenue, Barangay Guadalupe, Cebu City ubos sa pagdumala ni PCPT Venstine Ponce Bontilao, station commander.
Ang warrant of arrest gi-isyu niadtong Mayo 19, 2026 sa Regional Trial Court Branch 53 sa Lapu-Lapu City, Cebu. Ang kaso batok sa suspetsado mao ang “Rape Through Sexual Assault” ubos sa Article 266-A(1) ug Article 266-B sa Revised Penal Code.
Ang piyansa muabot sa kantidad nga ₱120,000 ang kaso alang sa temporaryong kagawasan sa akusado. Human sa pagdakop, gidala ang suspek sa custodial facility sa Police Station 9 sa Guadalupe aron temporaryong itanggong samtang gihulat ang pagbalik niini sa korte nga nagpagawas sa warrant.
Sumala sa Cebu City Police Office ubos sa pagpangulo ni City Director PCOL George V. Ylanan, nagpadayon ang ilang kampanya batok sa mga wanted person aron mapalig-on ang kalinaw ug kasiguruhan sa komunidad ug masiguro ang hustisya alang sa mga biktima.
via Renante Socia Lada