Nadakpan sa kapulisan ang usa ka lalaki human makuhaan og usa ka .38 caliber revolver nga adunay duha ka buhing bala atol sa operasyon batok sa kriminalidad sa Sitio Ermita Proper, Barangay Ermita, Cebu City niadtong alas 10:25 sa gabii, Mayo 20, 2026.
Base sa report sa Cebu City Police Office, nadawat sa police assistance sa mga sakop sa Police Station 5 ilalom sa OPLAN BULABOG human adunay concern citizen nga nagtaho bahin sa usa ka armadong tawo sa maong lugar.
Dali nga miresponde ang Tracker Team nga gipangulohan ni PCPT Rexel Soreno Yosores aron beripikahon ang report ug maghimo og tukmang police intervention. Pag-abot sa mga pulis, ilang nadakpan ang suspetsado mga alas 10:30 sa gabii samtang nagkupot sa maong armas ug mga bala nga walay mapakitang legal nga dokumento o permit.
Tungod niini, gidakop dayon ang suspetsado tungod sa paglapas sa Republic Act 10591 o ang balaod batok sa ilegal nga pagpanag-iya og armas ug mga bala. Human sa pagdakop, gidala siya sa Police Station 5 alang sa hustong disposisyon ug temporaryong kustodiya samtang giandam ang kaso nga ipasaka sa korte.
Gipadayag sa CCPO nga ang malampusong operasyon kabahin sa gipakusog nga kampanya batok sa kriminalidad ubos sa pagpanguna ni PCOL George V. Ylanan. Matud pa sa kapulisan, nakatabang ang ilang dali nga pagresponde aron mapugngan ang posibleng hulga sa kalinaw ug kaluwasan sa komunidad.
I via Renante Socia Lada