Nasikop sa kapulisan ang usa ka 25-anyos nga lalaki nga giilang Top 4 Most Wanted Person sa lalawigan sa Sugbo tungod sa kaso nga statutory rape.
Giadto sa mga sakop sa Sibonga Municipal Police Station ang suspetsado pasado alas 5:15 sa hapon niadtong Mayo 22, 2025 sa Sitio Bas, Barangay Perrelos, Carcar City. Gidakop siya base sa warrant of arrest nga walay piyansa, nga giisyu ni Hon. May Faith Lledo Trumata-Rebotiaco, huwes sa RTC Branch 94 sa Argao, Cebu.
Ang suspetsado nga taga-Barangay Bagacay, Sibonga, temporaryo karon nga gi kustodiya sa Sibonga Police Station ug ipresentar sa korte alang sa hustong legal nga proseso.
Matod ni PBGEN Redrico A. Maranan, Regional Director sa Police Regional Office 7, walay pasaylo alang sa mga krimen batok sa kababayen-an ug kabataan.
Ang pagdakop nagpamatuod sa lig-on nga paningkamot sa PRO7 sa pagpangdakop sa mga wanted nga kriminal ug sa ilang dedikasyon sa pagpanalipod sa katawhan.
Source: PRO7-PIO
I via Renante Socia Lada