Nadakpan sa mga kapulisan sa Police Station 9 sa Guadalupe, Cebu City ang usa ka babaye nga giila isip Top 4 Municipal-Level Most Wanted Person tungod sa kasong Frustrated Homicide sa sayong bahin sa buntag sa Hunyo 17, 2026.
Ang pagdakop nahitabo atol sa operasyon sa pagserbisyo sa warrant of arrest sa Barangay Kalunasan, Cebu City. Gipangunahan ang operasyon ubos sa pagmando ni Police Captain Gabriel Pasilan Mota, Officer-in-Charge sa Police Station 9.
Gidakop ang suspek pinaagi sa warrant of arrest nga gipagawas sa Regional Trial Court (RTC) Branch 21 sa Cebu City niadtong Hunyo 4, 2026. Sumala sa korte, mahimo siyang makagawas pinaagi sa piyansa nga nagkantidad og ₱72,000.
Human sa pagdakop, gidala ang suspek ngadto sa Police Station 9 ug temporaryong gipriso sa Guadalupe Custodial Facility samtang naghulat sa iyang presentasyon ug turnover ngadto sa korte nga nagpagawas sa warrant.
I via Renante Socia Lada