Usa ka insidente sa Barangay Mambaling, Cebu City kagahapon sa hapon sa Hunyo 16, 2026, kabahin kini sa reklamo sa usa ka lalaki nga naghimo og kagubot ug gituohang armado og ice pick.
Sumala sa kapulisan, ang suspek nakita nga nagdagan-dagan ug nagdala og hulga sa lugar duol sa SRP Border Control area, Il Corso. Sa pag-abot sa mga pulis, ilang gisulayan nga pakalmahon ug duolon ang suspek aron malikayan ang problema.
Apan imbis nga mohunong, ang suspek kalit nga mi-agresibo ug gilabog ang bato nga nakaigo sa usa ka pulis. Human niini, misulay pa siya og duol ug midunggab sa ice pick nga naka-hulga sa kinabuhi sa pulis.
Tungod sa dinaliang peligro, napugos ang pulis nga mogamit sa iyang service firearm aron mapahunong ang suspek ug malikayan ang mas grabeng kadaut. Na-control ang sitwasyon ug ang suspek gidala dayon sa Cebu City Medical Center alang sa pagtambal sa samad nga wala man makahulga sa iyang kinabuhi.
Gipakita sa insidente ang paspas ug propesyonal nga aksyon sa kapulisan, nga misunod sa saktong proseso sa paggamit og puwersa base sa sitwasyon aron maprotektahan ang publiko ug ang ilang kaugalingon.
I via Renante Socia Lada