Nakab-ot sa Police Regional Office 7 (PRO7) ang dagkong kalampusan sa ilang mga operasyon batok sa iligal nga drogas, iligal nga armas, wanted persons, ug iligal nga sugal sulod sa usa ka semana nga operasyon.
Sa iligal nga drogas, nakapahigayon ang kapulisan og 191 ka operasyon, diin 228 ka tawo ang nadakpan. Nakuhaan kini og 6,737.04 ka gramo sa shabu nga nagkantidad og ₱45,811,872.00.
Sa kampanya kontra ilugal nga armas, 44 ka operasyon ang gipahigayon, nga mitultol sa pagkasikop sa 22 ka suspek, ug pagkakumpiskar o pagsurender sa 46 ka pusil, 1 ka eksplosibo, ug 107 ka bala.
Sa pagpangdakop sa mga wanted persons, 118 ka operasyon ang gihimo nga nagresulta sa pagkasikop sa 39 ka Most Wanted Persons ug 82 ka ubang mga wanted.
Samtang sa iligal nga sugal, 36 ka operasyon ang gipahigayon, 46 ka tawo ang nadakpan, ug nakakumpiskar og halin nga ₱7,553.00.
Gipangulohan ni PBGEN REDITO ATIENZA MARANAN, Regional Director sa PRO7, ang mga operasyon isip kabahin sa ilang padayong kampanya batok krimen ug aron mapalambo ang kahapsay ug kalinaw sa rehiyon.
Source: PRO-7
I via Renante Socia Lada
#rpndykccebu
#675hzamband
#tandemexpress