Balhug sa prisuhan ang usa ka lalaki, human gidakop sa mga personahe sa Sawang Calero Police Station 6 sa kasong Robbery pinasikad sa Warrant of Arrest nga gipanguluhan ni PCPT GIANN KARLO M REYES, hepe sa maong buhatan, niadtong Hulyo 16, 2025, didto sa Brgy. Kalunasan ning dakbayan sa sugbo.
Ang akusado nailhan sa alyas ‘RJAY BUKAD’ 41 anyos residente sa Barangay Calamba ning maong syudad ug nahitala isip Top 2 Most Wanted Person sa Probinsya sa Sugbo.
Kasamtangang anaa sa kustodiya sa Cebu City Jail sa patong-patong nga kaso. Ang maong warrant gi-isyu sa Regional Trial Court (RTC) 7, Branch 18, Cebu City niadtong Hunyo 26, 2025 nga adunay php100,000 nga pyansa nga girekomendar. Siya gipahibalo sa iyang legal nga katungod samtang nagpaabot sa dugang proseso legal.
Si PCOL ENRICO E FIGUEROA, ang Acting City Director sa Cebu City Police Office, mapasigarbuhong midayeg sa mga sakop sa Sawang Calero Pulis sa ilang walay hunong nga paningkamot ug dedikasyon sa ilang trabaho.
Iyang gimandoan ang tanang unit sa kapulisan nga padayon pang palig-unon ang kampanya sa pagpangita ug pagdakop sa mga wanted persons aron masiguro ang mas malinawon ug mauswagong dakbayan sa Sugbo alang sa tanan niining mga lumulupyo.
Source: CCPO
I via Renante Socia Lada