CEBU: TOP 10 MOST WANTED SA MUNICIPAL LEVEL, NADAKPAN SA CEBU CITY

Nasikop sa kapulisan ang usa ka suspek nga apil sa Top 10 Municipal Level Most Wanted Person sa Barangay Kinasang-an, Cebu City kagahapon sa hapon sa Agosto 28, 2026.
Gipahigayon sa Cebu City Mobile Force Company, ubos sa pagdumala ni PLTCOL Christian Joy Q. Alqueza, ang pagdakop base sa warrant of arrest. Ang operasyon resulta sa padayon nga surveillance ug koordinasyon sa mga may kalabotan nga awtoridad.
Ang suspek gipasanginlan sa Robbery in an Inhabited House ubos sa Article 299 sa Revised Penal Code. Ang warrant gi-isyu sa Regional Trial Court Branch 12, Cebu City niadtong Agosto 24, 2026, ug adunay girekomendar nga piyansa nga ₱72,000.
Anaa na karon sa kustodiya sa kapulisan ang nadakpan samtang gihulat ang hustong pagbalik sa warrant ngadto sa korte.
📸 CCPO
I via Renante Socia Lada