CEBU: MDRRMO LEON POSTIGO, MALAMPUSONG GIRESPONDEHAN ANG USA KA INAHANG NAKAANAK SAMTANG NAGBIYAHE PADULONG SA TAMBALANAN

Gipahibalo sa National Grid Corporation of the Philippines (NGCP) nga makasinati og Red Alert ang Visayas Grid gikan alas-6:00 sa gabii hangtod alas-9:00 sa gabii karong Agosto 30, 2026. Adunay Yellow Alert usab gikan alas-5:00 hangtod alas-6:00 sa gabii ug alas-9:00 hangtod alas-10:00 sa gabii.
Sa alas-8:00 sa buntag, ang available nga suplay sa kuryente anaa sa 2,228 megawatts (MW), samtang ang peak demand o panginahanglan sa kuryente mokabat sa 2,306 MW. Adunay 10 ka power plants nga naka-forced outage ug 15 pa ka planta ang nag-operate sa ubos nga kapasidad, hinungdan nga mokabat sa 977.2 MW ang dili magamit sa grid.
Usa sa mga hinungdan sa Red ug Yellow Alert mao ang pagkadili-operational sa dagkong coal power plants sa Visayas, lakip ang TVI 1, TVI 2 ug PEDC 3. Nadugangan usab ang problema tungod sa limitado nga power import gikan sa Mindanao, ilabi na sa mga outage sa TSI 2 ug GNPK 1.
Sumala sa NGCP, ang Red Alert ipagawas kung dili igo ang suplay sa kuryente aron matubag ang panginahanglan sa mga konsumidor ug gikinahanglang reserve sa transmission grid. Ang Yellow Alert ipagawas kung kulang ang reserve para sa posibleng problema o kalit nga pagkawala sa usa ka power facility.
📸 NGCP
I via Renante Socia Lada